கதை

ஒரு படைப்பை மொழிபெயர்க்கும்போது ஒரு மொழியில் ஒரு படைப்பாளி நெய்து வைத்ததைப் பிரித்து மீண்டும் நெய்கிறார் மொழிபெயர்ப்பாளர். அதன் முடிவில் கிடைப்பது மூலத்தின் நகலா? புதிதான ஒன்றா? இரண்டுக்குமே இல்லை என்ற பதிலைத்தான் கூற வேண்டியிருக்கும். மொழியின் மங்கலான, தெளிவற்ற புலத்தில் செயல்படுகிறது மொழிபெயர்ப்பு.

உலகின் வேறுபட்ட நாடுகளை, கலாச்சாரங்களைச் சேர்ந்த பதினொரு பெண்கள் எழுதிய சிறுகதைகள் இங்கே மொழிபெயர்க்கப்பட்டுள்ளன. கண்ணீரை, புன்னகையை, வேட்கையை - மொழியின், நாட்டின் எல்லைக்கோடுகள் பிரித்துவைக்க முடியாது என்பதை எடுத்துக்காட்டுகின்றன இந்தக் கதைகள்.

 

ஸிதாரா என்ற பெண் லக்ஷமணக் கோடுகளை ஒவ்வொன்றாக மிதித்துத் தள்ளி வெளியே கடக்கிறாள். பாலியலைப் பற்றி வெளிப்படையாகப் பேசுவதற்குக் கூடத் தயாராகாத கபடம் நிறைந்த சமூகத்திடம் பாலியல் மைய சரிச்சைக்குரிய நானாவிதக் கதைகளைச் சொல்லிக்கொண்டு எந்தவொரு அபிநயங்களும் இல்லாமல் நிற்கிறாள். சூதந்திரத்தைப் பற்றிய முடிவில்லாத கனவுகள் கொண்ட எழுத்தாளியின் கட்டமைப்பில் உருமாதிரிகள் உதிரந்து வீழ்கின்றன. செரிமானித்ததும், தெவிட்டியதும், இற்று வீழ்ந்ததுமான பெண் கற்பிதத்திலிருந்து வேர்விடித்து ஒரு புதிய பெண், ஒரு புதிய பெண்-ஆண் உறவு, ஒரு புதிய காலம் இவைகளைப் பற்றிய எதிர்பார்ப்புகளை வழங்கும் கதைகள் இவை.

தமிழின் முன்னணி எழுத்தாளரான பிரபஞ்சனுக்கு இதுவரை வசப்படாத தமிழ் வானம் ஏதுமில்லை.

இந்த நூல் அவரது சிறந்த கதைகள் சிலவற்றின் தொகுப்பு.

பெண்ணிய நோக்கில் எழுதப்பட்ட பல கதைகள் இத்தொகுதியில் இடம்பெற்றுள்ளன. பெண் இருத்தலுக்கான, இயங்கலுக்கான, பெண்வெளி, பெண்மொழி, பெண்சக்தி, பெண்மனம் போன்றவை பற்றி எழுதப்பட வேண்டிய விசயங்கள் ஏராளமாக இருக்கின்றன என்றுதான் எண்ணுகிறேன். நான் சந்திக்கும் மனிதர்களின் மன ஆழங்களை, மன எழுச்சிகளை, கனவுகளை, மகத்தான ஆற்றல் மூலங்களை முழுமையாக அறிந்திடவோ, அறிந்தவற்றை வார்த்தைகள் ஆக்கிடவோ முடிவதில்லை என்று தோன்றுகிறது
- முன்னுரையில் இருந்து...

அறிவியல் புனைகதைத் தொகுப்பு. நவீனத் தமிழ் இலக்கிய உலகில் அறிவியல் புனைகதைக்கான சிம்மாசனம் சுஜாதாவுக்கே உரியது. அறிவியலையும் தமிழையும் கற்பனையையும் கலந்து அவர் எழுதிய அறிவியல் புனைகதைகள் இரண்டு தலைமுறை வாசகர்களை கட்டிப்போட்டு வைத்திருக்கிறது. அவரது நினைவாக, எழுத்தாளர் சுஜாதா அறக்கட்டளையுடன் இணைந்து, அமரர் சுஜாதா நினைவுப்புனைவு என்ற பெயரில் நடத்தப்பட்ட அறிவியல் புனைகதைப் போட்டியில் வெற்றி பெற்ற கதைகளின் தொகுப்பு இது. இவர்களில் பலர் சுஜாதா என்னும் நாற்றங்காலில் விளைந்தவர்கள்.

தொகுப்பாசிரியர்: கீரனூர் ஜாகிர்ராஜா