கட்டுரை

இந்த நூலில் சைவம், அசைவம், என இருதரப்பினருக்கும் சரிசமமாய் ருசிகர பந்தி பரிமாறியிருக்கிறார் திருமதி. அமலோற்பவ மேரி டி'சாமி. இனிப்பில் தொடங்கி, பலகாரம், சாதம், வறுவல் எனப் பயணித்து ஊறுகாய் வரையிலான செய்முறைகளை அம்மாவின் நேசத்துடனும் பரிவுடனும் நூலாசிரியர் விவரிப்பதை படிப்பதே ஓர் சுகானுபவமாக இருக்கிறது.

அசைவ உணவுகளில் இத்தனை வகைகளா என வியக்கும் வகையில் பட்டியல் நீண்டு கொண்டே போகிறது. இதன் செய்முறைகளைப் படிக்கும்போதே நாவில் நீர் ஊறுவதை தவிர்க்க முடியவில்லை. அடுத்த செய்முறையைப் படிக்கும்முன்பே முதல் பதார்த்தத்தை செய்துவிட மனது பரபரக்கிறது.

கடந்த எண்ணூறு ஆண்டுகால தமிழ் இஸ்லாமிய மரபின் பல்வேறு பரிமாணங்களைக் காட்டுகிறார் ஹெச். ஜி. ரசூல். உமறுப் புலவர், குணங்குடி  மஸ்தான் சாகிபு முதல் இன்று தோப்பில் முகமது மூரான், ஜாகிர்ராஜா வரை... கூடவே பிறநாட்டு இஸ்லாமிய இலக்கிய ஜாம்பவான்கள் பற்றியும்.

தமிழக அரசியல் பற்றிய செய்திகளும், விமர்சனங்களும் இந்நூல் முழுவதும் விரவிக் கிடக்கின்றன. இலங்கைக்கு கச்சத் தீவு தாரை வார்க்கப்பட்ட வரலாறு, தீக்குளிப்பின் அரசியல், இடதுசாரிகளின் ஈழத் தமிழர் பற்றிய நெறியற்ற மௌனம், தமிழக அரசியல் கட்சிகளின் தேர்தல் சார்ந்த சந்தர்ப்பவாதம், காலந்தோறும் தமிழகத் தமிழர்களின் குரல்களை உதாசீனப்படுத்தும் இந்திய நடுவண் அரசின் போக்கு என்று பல பதிவுகளை இந்நூல் நமக்கு வழங்குகிறது.

வாசிப்புச் சூழலில் நாம் காண்கிற நிர்கதியான நிலைமை ‘நவீனத்துவம்’ குறித்த விவாதத்தோடு முடிந்துவிடுவதாக இல்லை. மரணத்துக்கு இணையான புதிர்கள் நிறைந்த சமகால சிக்கல்களை நாம் அணுகும் விதங்களில் அது வெளிப்படுகிறது. பிரச்சனைகளை விளங்கிக் கொள்வதைவிடவும், விருப்பத்துக்கு ஏற்ப எதிரிகளை கட்டமைப்பதாக அமைந்துவிடுகின்ற வாசிப்புமுறைகளை எதிர்த்து நாம் இன்று போராட வேண்டியுள்ளது. நமக்குக் கிடைக்கிற பிரதிகளும், வாசிப்பு முறைகளும் இச்சிக்கலை விளங்கிக்கொள்ள உதவ முடியுமா என்பது சந்தேகமாகவே உள்ளது.

தமிழ்நாடு மட்டுமல்லாமல் இலங்கை, அமெரிக்கா, கனடா, பிரான்ஸ், சுவிஸ், ஆஸ்திரேலியா, சிங்கப்பூர், மலேசியா, வளைகுடா நாடுகள் ஆகிய இடங்களில் இருந்து 40 எழுத்தாளர்களின் பங்கேற்புடன்...

அரசியல், சமூகம், பண்பாடு, புலம்பெயர் வாழ்க்கை, பொருளாதாரம், கலை, இலக்கியம், ஊடகம் என விரிந்த பரப்பில்...

2006 ஆம் ஆண்டின் முக்கிய நிகழ்வுகளையும் போக்குகளையும் ஆழமாகவும், விரிவாகவும் அலசும் / பிரதிபரிக்கும் கட்டுரைகளும் நேர்காணல்களும்...

கட்டுரைகள்/நேர்காணல்களிலிருந்து...

GNU இயக்கத்தின் ரிச்சார்டு எம். ஸ்டால்மனின் கட்டுரைகள். மென்பொருள் உருவாக்குநர்கள் மட்டுமல்ல, அதன் முக்கியத்துவம் அறிந்த அனைவரும் படிக்கவேண்டிய நூல்.

இந்நூல் ஒரு பெரிய நாவல் இன்னும் தொடங்காமல் முகாந்திரங்கள் மட்டும் நிகழ்ந்துகொண்டிருப்பது போலிருக்கிறது. கடற்கரைச் சித்திரங்கள், கடல் வர்ணனைகள், கடலும் வானும் மனிதனை சிறியதாக ஆக்கும் பேரனுபவ வர்ணனைகள், மீன்கள், மனிதர்கள், தேவாலயங்கள்... கோலம் போட சாணி தெளிக்கப்பட்டுவிட்டது. புள்ளிகள் தொடங்கிவிட்டன. இனி கோடுகள் மூலம் நாவல் உருவாகி வரவேண்டும்.

குமுதம் தீராநதியில் நிறைமாதச் சித்திரங்கள் என்ற தலைப்பில் வெளிவந்த கட்டுரைகள்... சீரிய பெண்ணியக் கவிதைகள் வழியாக அறிமுகமான குட்டி ரேவதியின் முதல் கட்டுரைத் தொகுப்பு. நுண்மையான சில பெண்ணிய வெளிகளைத் தமிழர் தளத்துக்குத் தருகின்றன இவரது விவாதங்கள்...

ஆனந்த் நடராஜனின் எசப்பாட்டுக் கட்டுரைகளைத் தனித்தனியாகப் படித்தபோது அவை எல்லா ஆசிரியர்களும் அந்தந்த நேரத்துக்கு எழுதும் தலையங்கங்களாகத் தோன்றியது. ஆனால் ஒருசேரப் படிக்கும்போதுதான் பக்குவம் வாய்ந்த, நீடித்த சமூக அக்கறை கொண்ட ஒரு சிந்தனையாளனை இவை அடையாளம் காட்டுகின்றன - அசோகமித்திரன், அணிந்துரையில் இருந்து...

திணை இசை சமிக்ஞை தளத்திலிருந்து நூறு முக்கிய ஆக்கங்களை நளிர் என்ற இந்தத்தொகுப்பில் நீங்கள் வாசிக்கலாம். நளிர் என்ற பழஞ்சொல்லுக்கு, குளிர்சார்ந்த உடல்நிலை எனப் பொருள் - அதாவது cold "humour". வலைத்தளம் என்பது ஒருவித cool medium என்ற புரிதலில் இந்தச் சொல்லை எடுத்தாண்டிருப்பதாகக் கூறுகிறார், இவர். தமிழ் மற்றும் உலக இலக்கியம், கலை, அறிவியலின் வரலாறு, சூழலியல், திரை, அரசியல், கோட்பாட்டு அலசல், ஊடகம், பயணம், ஃப்ரெஞ்சிலிருந்து நேரடித் தமிழாக்கம் என, பலவகையில் இயங்கும் நாகார்ஜுனன், முன்வைத்திருப்பது, மொழி-கற்பனை-அறிவு-வரலாறு-செயல் என்பதான புதியதொரு பரப்பு.